الاثنين، 18 يوليو، 2011

رسالة للمجلس العسكري: لو ناسي منصحكش ان الشعب يفكرك

عايشين بقالنا 30 سنة في نظام فاسد من ساسه لراسه وحضراتكم ساكتين ولا حس ولا خبر

بتاكلو وبتشربو وبتحتفلو مع مبارك وعادي

شايفين مصر بتغرق والشعب بيموت ولا عملتو حاجة

كنت من نظام مبارك الي بتقولو عليه دلوقتي فاسد

ولما حصلت الثورة ولقيتو شعب واقف وقفة سوبرمان وايقنتو ان دبابات الدنيا كلها مش هتقدر تعمل معاه حاجة

قلتو احنا مع الثورة والثوار واتفقتو مع مبارك انه يقول انه يتنحى ووصلتوه شرم الشيخ معزز مكرم كانه عمر  المختار

وقلتو ساعتها ان الجيش هو اللي حمى الثورة مع انكو سيبتونا نموت في موقعة الجمل بالاتفاق معاكو برضو وده كان واضح للجميع

حتى لو سكتنا وقلنا معلش لازم تفضل صورة رجالتنا لفوق

وعدى 6 شهور بتسمعونا نفس الكلام مع تصاعد حدة اللهجة وبنشوف نفس تصرفات مبارك بنفس خطابته

حكومة من فلول الى فلول ويا قلبي لا تحزن

امن الدولة سلم سلطات اعتقالاته وتعذيبه الى الشرطة العسكرية وبصراحة بصراحة يعني بتقومو بشغلكو تااااااالت ومتلت

طلعتو عنينا عشان تقبضو على الوزراء ورموز الحزب الوطني .. وبعد ما فرحنا كل يوم تطلعو واحد براءة وتقولو يعيش قضائنا النزيه

لغيتو وزارة الاعلام وقلنا هيييييييييييييه رجعتوها تاني ومسكتوها لواحد منكم ( عسكري من صحاب مبارك ) وبينفذ نفس التعليمات

بتضربو فينا وتمرمطونا وقلتو علينا علينا مندسين وبلطجية ورفعتولنا الصباع مرة من ظابط شرطة بيضرب في ثوار التحرير ومرة من

الفنجري بلهجة تحذيرية لثوار مصر

عملتو اعلان دستوري ملوش اي علاقة بالاستفتاء واديتو لنفسكو مطلق الصلاحيات اعلان ميقلش اننا في ثورة وكل يوم تطلعو قرار وتلغو قرار

غليتو الاسعار وطلعتو عين الشعب وعملتو موازنة جديدة لغيتو فيها زيادة المعاشات وتجاهلتو مطلب الحد الادنى والاعلى للاجور

تجاهلتو صوت اقالة النائب العام اللي ظل مخلصا لمبارك طول فترة خدمته

وتجاهلتو صوت بكاء وحسرة اهل الشهداء على دم ولادهم اللي بيضيع قدام عينيهم

سؤال بسيط ابسط من اسئلة الثانوية العامة : هل معنى " نحن نحمي الثورة" حماية مبارك؟ ام حماية انفسكم؟ ام الاثنان معاً؟

الشعب اللي فرح بيكم واستقبلكم استقبالا حارا مع انه مكنش اختركم من الاساس هو هو نفس الشعب اللي ثار وقام باعظم ثورة في التاريخ ليطيح بنظام فاسد ... فصبره عليكم مش من ضعفه ولكن من سماحة قلبه

فمع مرور الوقت محدش يقدر يتوقع هو يقدر يعمل ايه

مع اصدار قرارت اقل ما يوصف عنها انها ماسخة ومع تعيين وزراء منعرفش حاجة عن معايير اختيارهم وكمان بنلاقيهم من الحزب

الوطني

مع عدم وجود خطة واضحة لادارة المرحلة الانتقالية مع التعامل بالاسفاف تجاه الشعب المصري

محدش يقدر يتوقع رد فعله ايه

الشعب المصري مش غبي ومش ضعيف

الشعب المصري مش عبيد

الشعب المصري مش بيشحت حقه

الشعب المصري مش عبيط

رسالة للمجلس العسكري: انت حامي لاهداف الثورة ولست حاكما للثورة

لو ناسي منصحكش ان الشعب يفكرك

هناك 44 تعليقًا:

  1. اللهم من أرادنا بسوء فاجعل تدبيره تدميره

    ردحذف
  2. تسلم ايد يااسماء والمجلس لازم يعرف اننا صابرين عليه من 8 ابريل لما قلنا يسقط المشير والمجلس بس كل شويه بنقول نسبله فرصه حتى اول امبارح ف جمعة الانذار الاخير كل شويه من سماحة المصرى انه يديله فرصه خلاص يامجلس رصيدك انتهى ولازم تتخلى عن الحكم وتورح مكانك للحمايه وتسيب ثورتنا تمشى زى ماكانت ماشيه
    شكرا استاذه اسماء

    ردحذف
  3. اهم حاجه ان الجيش مش حامى الثورة ومش هقول سرق الثورة لكن اجهض الثورة يعنى ما كانش عايز ثورة من الاساس بس بيعمل حركتين زى ما بنقول كده برى ملامه وهو كان عايش ايام الفساد ومش فى دماغه شعب ولا زفت

    ردحذف
  4. والله والله لو كلب فيكم ياكلاب التحرير فكر انه ياخد خطوه خارج المقبره الي انتم جلسين فيه ويعطرض علي المجلس العسكري والله ما هتعرفه ايه الي ممكن نعمله انتم مين سمحلكم تتكلمه بس 85 مليون انتم 1 ملون وده كتير كمان عليكم ازاي تتكلمه بسم 84مليون وانتي يا بنت الحرام يا اسماء روحي شوفيلك حد يلمك احسن ابوكي مش عارف يلمك والله الا الحيش الجيش المصري خط احمر وانتم شفتم عينه من شياب مصر الاصيل في ركسي مش بتوع التحرير الي راحه امريكه علشان تعلمهم الوطنية يعني ايه يا بناء امريكه واسرئيل وحسبي الله ونعم الوكيل فيكم يا كلاب التحرير

    ردحذف
  5. كلام من دهب

    ردحذف
  6. نفسى اقابلك يا اسماء وانا اعرف ميتين امك طعم الحرية

    ردحذف
  7. رااااااااااااااااااااااااااااائع
    الكلام اللي جوا كل مصري

    ردحذف
  8. قلتى كل اللى الواحد نفسه يقوله.. ولا يهمك من مقاطيع النت المأجورين.

    ردحذف
  9. يا أستاذة اسماء أنا موافقك تماما و لكن ما هي الخطوة الجاية؟
    يجب الآن التركيز على مطلب واحد هو خلع طنطاوي زي ما نجحنا مع مبارك و شفيق مع التصالح مع بقية مجلس العسكر الذي فوضه مبارك و ليس له أي شرعية الا منه بشرط ان ينحل و كما هو منصوص في دستور 71 يسلم فورا السلطة إلى محكمة دستورية عليا (منتخبة من نادي القضاه لضمان النزاهة) لتنفذ بقية المطالب. ثانيا إلغاء كل المواد التي لم يستفتى عليها بما فيها مادة 56 من الإعلان الدستوري التى قام المجلس بـتفصيلهـا على مقاسه لتعطيه سلطة ديكتاتورية لم يقال عليها نعم... ينشر هذا الإعلان فى الجريدة الرسمية ويعمل به من اليوم التالى لتاريخ نشره

    ردحذف
  10. إسرائيل هى الحاكم الحقيقي لمصر و تحكمها منذ تولى حسنى مبارك الحكم من خلال مبارك و المجلس العسكري تماما مثل فلسطين التى تحكمها السلطة الفلسطينية و غزة هى الموقع الوحيد الحر فى البلاد التى تصف نفسها بعربية فالندعوا الله ان يلحقنا بغزة!!!

    ردحذف
  11. إسرائيل هى الحاكم الحقيقي لمصر و تحكمها منذ تولى حسنى مبارك الحكم من خلال مبارك و المجلس العسكري تماما مثل فلسطين التى تحكمها السلطة الفلسطينية و غزة هى الموقع الوحيد الحر فى البلاد التى تصف نفسها بعربية فالندعوا الله ان يلحقنا بغزة!!!

    ردحذف
  12. تسلم الايادى اللى كتبت
    ويا رب الشعب الغلبان لو ناسى يروح لاهالى الشهدا
    علشان يفتكر

    ردحذف
  13. سيبك من ازلام المخلوع جنود فرعون الى بيشتمو ان شاء الله الشتيمه ترجعلهم فى اهل بيتهم لانهم بيخوضو فى الاعراض واخر كلامهم حسبى الله ونعم الوكيل ..حسبى الله ونعم الوكيل فيكم انتم وكفايه انك تقوليها عليهم وانتى مظلومه ....انت يا بنتى والله بميه راجل وارجل من اى واحد فيهم ....ربنا يبارك فيكى ويحميكى(

    لما بويع أبو بكر بالخلافة بعد بيعة السقيفة تكلم أبو بكر، فحمد الله وأثنى عليه ثم قال:
    "أما بعد أيها الناس فإني قد وليت عليكم ولست بخيركم، فإن أحسنت فأعينوني، وإن أسأت فقوموني، الصدق أمانة، والكذب خيانة، والضعيف فيكم قوي عندي حتى أريح عليه حق...ه إن شاء الله، والقوى فيكم ضعيف حتى آخذ الحق منه إن شاء الله، لا يدع قوم الجهاد في سبيل الله إلا ضربهم الله بالذل، ولا تشيع الفاحشة في قوم قط إلا عمهم الله بالبلاء، أطيعوني ما أطعت الله ورسوله، فإذا عصيت الله ورسوله فلا طاعة لي عليكم".

    ردحذف
  14. لى سؤال انتم بتحب مصر اشك ايه الاماره اللى بيحب مصر ينتج ويصحح الاوضاع ويداوم على الانتاج ويخلى البلد تشتغل مش كل يوم وقفه واحتجاج والبلد تقف ولما حد يتكلم تقول فلول واتباع النظام السابق والحزب الوطنى النظام السابق والحزب الوطنى خلاص ماتوا وكفنوهم ودفنوهم لكن انتم مصممين تنفذوا اجنده امريكا المبرمجه فى الفوضى الخلاقه اللى قالت عليها كوندلزاريس انكم لم تسقطوا نظام بل تسقطوا دوله ارحما مصر يا انسه اسماء

    ردحذف
  15. برافووووووووووووووووووووووووووووووووا
    واخدة كام على الكلمتين الي كتابتيهم
    ولا هما الي كتابوهم لك يا روح امك

    ردحذف
  16. يا اسماء الجيش مشي مع الثوره والثوار بمبدأ

    أضرب صاحبك لو هما كتير

    عمل انه بيضرب مبارك (صاحبه) علشان مينضربش من الشعب (الكتير)

    ردحذف
  17. امك قرعه يا ابن الوسخه ....تفكر ميين يا ابن المتناكه ده انتو شعب وسخ ابن مره شرموطه عايز ضرب الجزم ...الناس دي بتموت عشان احنا نعيش يا ولاد الوسخه ...كس ام اي ابن متناكه يغلط في الجيش ولا يتكلم عليه ...انتو بتهددو ميين يا معرصين ...ده انتو بتسمعو طلقتين من العساكر بتجرو ...ولا على ايه ...افكركو بالنقيب اللي جرى 8000 واحد من كلاب التحرير لوحده بالحزام و من غير سلاح و من غير عساكر يا ولاد المتناكه

    ردحذف
  18. انا ضد ان المجلس العسكرى خائن او انةساند الثورة فقط لانة لم يجد بديل اخر....لا انا شايف انة فعلا بيأخذ قرارات خطاء.... عن جهل...تخبط يعنى..اة عادى بتحصل...الناس اول مرة يمسكوا حكم بلد ومش عارفين يديروها...بجد دة قناعتى ....المجلس العسكرى مش عارف يدير البلد....وفاشل جدا فى ادارة الازمات السياسية....لكن مجلس خائن؟ لا

    ردحذف
  19. لو فيه اتهام لشباب 6 ابريل يتحكموا مفيش حد فوق القانون (طبعا ما عادا حسبي مبارك هو فوق القانون ) وانتقاد المجلس العسكري معناه انه يسيب السياسة ويرجع لمكانة الاساسى او يستجيب لكل مطالب الثورة المتكفل هو بحمايتها

    ردحذف
  20. لو قارنتى ثورتنا بثورة تونس اللى حصلت قبلنا بأيام هتلاقى فرق كبير جدا .... ثورة تونس مثلا دخلوا قصور الرئاسة وفتشوها علانية قدام الشعب وطلعوا الدهب والفلوس والمخدرات والسلاح عندنا بقى قصور الرئاسة طلعت فاضية .. عندهم تمت محاكمة بن على واحنا بنفكر نكرم مبارك لو مات بجنازة عسكرية ..

    ردحذف
  21. واضح جدااا انك ناسيه يا حيلتها ان لو الجيش كان عنده اوامر وضرب مكنش فيه واحد فيكم هيفضل صاحى يجعجع لغايه دلوقتى وشوفى اللى بيحصل فى سوريا

    ردحذف
  22. الي حصل في سوريا هو الاخ حمار احنا بتقول المجلس العسكرى مش الجيش يا 1/2 حمار هو فعلا الجيش مضربش في موقعة الجمل بس ساب التاس تموت قدام عنية وتحركش ولا اية وبعد كدا في اعتقالات شغالة علي الشباب الثورة اعداد كبيرة خالص فهمت يا طور من اول دور ولا لسة

    ردحذف
  23. ازيك يا اسماء يا متناكه فى ميدان التحرير تعالى اعلمك ازاى لو كنتى ناسيه انا افكرك عانس متناكه

    ردحذف
  24. هبله وعلى فكره ده حريه

    ردحذف
  25. اكيد طبعا فى حاجات معاكى حق فيها
    بس المجلس العسكرى مش معاه عصا سحريه هيحل كل المشاكل فى لحظه وبعدين من غير كلام كتير معروف ان المجلس العسكرى بعد فضل الله حمى الثوره
    شوفى سوريا واليمن وليبيا وبعدين اتكلمى
    اكيد احنا عايزين نحل كل مشاكلنا بس مش فى ثانيه
    بس ياريت نحترم المجلس اكتر من كده لانهم مش بيلعبوا معانا فى الشارع
    قاده المجلس العسكرى محترمين وده مش دفاع عنهم بس ده الحقيقه

    ردحذف
  26. اسماء المدونه دى مش بتعتك ولا ايه http://sokashow.blogspot.com/2011/01/25.html?spref=fb

    ردحذف
  27. يا جماعة يا ريت نهذب لغة الحوار .. مهما كنا مختلفين مع اسماء ... اولاً هي مسلمة ... ثانياً هي بنت ... ثالثاً انها مش عايزة غير مصلحة مصر و ان الثورة متضيعش اونطة ... رابعاً وده الاهم .. اللي مش عاجبه اللي هي كاتباه يا اما يعترض بالذوق يا اما يقفل الصفحة و بالسلامة ... و خليكوا مع ظوبايضر و قصايده الفتاكة

    ردحذف
  28. ولعوهاااااااااااااااااااااااااااااا

    ردحذف
  29. عايز اقول ان كل الناس الحلوة الناشطيين والحقوقيين دول مفيش ولا حد فيهم لحد النهاردة حصلو خربوش واحد كلهم بينزلو بعد ما الموضوع يهداء يا اما تلقيهم اثناء الضرب في اي فضائية يا اما بره البلد.............

    ردحذف
  30. أنتى بنى أدمة جاهلة ولا تفهمى حاجة والجيش اللى إنتى بتحاولى تثيرى الرأى العام ضده أو ضد طنطاوى لولاه لكنت مقتولة او مغتصبة أو مسروقة - أتقى الله وخلى باللك من الكلام الجاهل اللى أنتى بتثيرى بى الشباب

    ردحذف
  31. انا شايفة انك مستفزة وانسانة فاشلة وساقطة ولما حسيتي انك مكروها انسحبتي من لانتخابات وان شاء الله مصر هاتعدي الازمة رغم انفك وامثالك الماجورين


    انا اسمي عمرو
    وطوز فيكي

    ردحذف
  32. انا كنت فاكر اني لوحدي بس الي بكرهك دة طلع التعليقات كلها مش طيقين اهلك اثبت التجارب ان كل الموجودين معاكي معقدين نفسيا والايام هاتثبت انك ماجورة ومدفعولك فلوس

    عمرو برضو
    طوززززززززززززززززززززززززز فيكي

    ردحذف
  33. انا شايفة انك مستفزة وانسانة فاشلة وساقطة ولما حسيتي انك مكروها انسحبتي من لانتخابات وان شاء الله مصر هاتعدي الازمة رغم انفك وامثالك الماجورين

    ردحذف
  34. دي انت طلعتي غريبه والله لو عندك ربع ربع زره كرامه لمجرد انك بتلاقي الفاظ جارحه تعتزلي السياسه وتقدعي في البيت لكن فعلا علي مايبدو التفكير في المقابل كبير ياتري ايه سلطه ولا فلوس السلطه وخدتي خزق والفلوس هيا المتاحه طيب اشتغليولعنة الله فيكي وعليكي ولا بارك فيكي كنت في فرنسا بتعملي ايه ووصلتي وقعدتي مع مين
    وياريت تاثر فيكي يارب تاثر فيكي

    ردحذف
  35. انا ارى انة الثورة كانت مطلب شعبى ومطالبكم هى مطالب الشعب
    وكان المفروض على كل المسؤلين اللى عينوا من قبل مبارك ان يقدموا استقالاتهم اذا كانو شايفين انهم محرجين فى اتخاذ القرارت
    ولان الشعب ابقى وان مصر هى الشعب ومصر ليست مبارك
    والشعب اصبح يعرف الكثير ولم يستقر الحال الا اذا طبقت الحرية
    ومصر خسرت الكثير بسبب مبارك واعوانة الذين لا هم لهم الا مصالحهم
    ولو استطاعوا افساد الثورة سيقوم اخرون بالثورة
    ولكن من الوطن من الواجب على كل انسان مصرى يقدم مصلحة بلدة على مصلحتة الخاصة
    واود ان اقول الكثيرمما يدور فى خاطرى وشكرا

    ردحذف
  36. يا اسماء انتم على حق وقراءت التعليقات البذيئة ولا تشغلى بالك بها

    ردحذف
  37. اسماء ممكن نعمل زيارة للريس ونعتذر لة

    ردحذف
  38. مارأيك فى من يتغير الى الاسوء

    ردحذف
  39. انت عندك حق الغلط غلط الشعب من الاول الى مفكرش الى اليه هيحصل بعد سقوط مبارك لاسف انشغالنا بفرحتنا بتنحى ومفكرناش الو المجلس مسك عيعمل فينا اى والاخوان بعد ما مستنا لاسف كلنا اعطنا المفتاح للى ميستهلوش انت وكل الى زيك صح

    ردحذف
  40. موفقيييييييييين .... اختيار موفق :)

    Räumung
    Räumung Wien
    entsorgung wien

    ردحذف
  41. شكرا ع الموضوع العظيم

    ردحذف